私補愈黎愈普及，好多學生家長都會搵補習老師。但係私補老師嘅質素參差，教學能力同性格都會影響到教學質素同埋學生學習嘅進度。搵到一個好嘅導師就當然好啦，但係如果導師唔係咁好嘅話，真係浪貴時間又浪費錢！咁到底點先為之一個好嘅補習老師呢 ? 以下Tutor Circle尋補就歸納左幾個標準，希望可以幫到各位進步心切嘅學生同家長搵補習。

1.科目成績優異

要識得教人，當然係自己嘅成績方面都要有返咁上下實力先得啦。教高中嘅話最好緊係要個科攞星，教初中或小學嘅話起碼都要合格，識啲基本野。如果導師自己都讀唔掂，仲邊到有資格教人呢 ? 相信呢一點大家都知，所以呢一點只係一個基本門檻，有唔代表佢係一個好老師，但冇嘅話都幾難係一個好老師。

想確保有一個成績好好嘅導師？Tutor Circle 尋補高中學生配對5*及5**率超過90％，係科目成績優異嘅不二之選。

2.能清楚解釋概念

呢一點非常具有重要，好多時候我地會有個錯覺，以為只要老師成績夠勁，就一定教得好。但事實並非如此，識讀唔代表識教！讀得好，係代表老師有好嘅理解學習能力，但教得好，係講求傳送訊息同教人嘅能力，兩樣野係唔同架。要教得好，一定要識得將複雜嘅概念簡化，深入淺出，令到完全唔識嘅學生都聽得明成件事，靠組織同歸納幫助學生理解，而唔係幫老師自己可以理解，大家真係要留意呢一點。